Ideas

Van xurdindo ideas a medida que un vai desenvolvendo a actividade docente coas TIC. Agora ocorréuseme dedicar un novo blog para ter a man e ben clasificados os recursos que utilizo nas miñas clases. Así resulta máis asequible a súa utilización do que está a resultar neste blog e nos wikis. Polo tanto, deixarei de publicar neste e podedes atopar o novo clicando na imaxe.

 

18 de febreiro

Toda a mañá dándolle voltas á calibración do wii e á situación da pantalla. Finalmente optei por proxectar sobre o encerado analóxico. Ó reducir o tamaño da pantalla de proxección (antes era a parede), acadei unha boa conexión e puiden utilizar o punteiro sen problema. Activei o desktop do software da Smart Board e conseguín debuxar e escribir. Deixeino todo en pausa e unha hora despois xa non funcionaba. Daquela utilizamos o encerado analóxico como encerado dixital, algo interactivo a golpe de rato e bastante máis a través do profesor. Realmente soluciona moito o do encerado analóxico-dixital porque @s alumn@s resolven as actividades dixitais proxectadas enchendo os ocos co xiz, eu corrixo e @s alumn@s tamén. Borramos, seguimos as explicacións dixitais, e así sucesivamente. Non está nada mal esta combinación. Bueno, seguirei investigando a calibración, pero de momento resulta moi efectivo o sistema. ¿Serendipia? Agora temos un encerado analóxico-dixital interactivo.

15 de febreiro

Primeiro intento de instalar unha pizarra dixital de baixo custe na aula. Só dispuxen de media hora e tiven que resituar varias veces o proxector e o mando da wii. Co bluetooth non houbo problema. Ó final parecía que funcionaba un pouco. O luns seguirei intentando…

14 de febreiro

Traballamos cos decimais na aula. Grazas a estes recursos @s alumn@s van aprendendo e, sobre todo, comprendendo a relación entre as divisións, as fraccións e os decimais. Os exercicios do libro non abondan para chegaren a tales niveis.

Voki

from www.voki.com posted with vodpod

12 de febreiro

Na aula de informática: resumes, debuxos e matemáticas (os decimais).

Na aula: o relevo, repaso.

11 de febreiro

Estudamos e repasamos todo o relevo:

• Cabos, golfos, ríos e montañas de España
• As montañas de España
• Ríos e mares de España
• A costa
• Ríos de España
• Cabos da Península Ibérica
• Montañas de España

Tamén dedicamos un tempo á lectura.

30 de xaneiro

Educación para a paz na aula e no encerado dixital. Un día moi pacífico.

29 de xaneiro

Estudamos as montañas de España co proxector en moi pouco tempo. Co mapa do libro de texto levaría moito máis tempo, máis traballo, e sería menos agradable.

Miramos recursos de educación para a paz: lecturas, cancións…

Pola tarde, no encerado dixital, fixemos actividades de educación viaria.

28 de xaneiro

En Matemáticas estudamos coordenadas e figuras planas co proxector. O enlace dos perímetros non funcionou (deficiente conexión, de novo).

En Coñecemento: tornados, furacáns e tremores.